Di Nicola Natalizio
Quanno ritorne ‘stu mese
d’ ‘a frennesia me sent’e piglià
so’ figlio ‘e Nola, e ’sta festa
me mette ‘ncore ’na voglia ‘e cantà.
Nola paese d’ammore
luce pe’ st’uocchie ca vonne guardà
vita e st’anema mia tu quanta gioie
m’ ‘a sapute ddà
Canta cu mmè
oj festa bella, tu me fai suspirà.
Balla cu mmè
ca pur’ ‘a luna s’ è ncantate a te
guardà
Festa pe’ tte’
‘a tutt’o munne ‘a gente corre a stà
città
Forse pecchè
n’ata cchiù bella cumm’a chesta nun
nce stà
Guarda è turnat’ ‘a bbarrese
sott’ e varre già è pronta’a jazà
basta ‘nu fischio e ’stu ggiglie
se mett’e scell’e accummenci’a vulà.
Vola cu mille farfalle
p’ ò ciele azzurro ca giugne ce ddà
porta ‘o saluto d’à festa
a chi è nulane e ncielo mo stà
Oj Brigadiè
quanta speranze nove nascene cu
ttè
tu dice so
e tutt’à gente s’è ncantat’a te
guardà
e ‘nzieme a ttè
chesta bbarrese è riturnat’a ‘sta città
Forse pecchè
niacune megli’ e te a sape cumannà
Hyria 